Karimganj te 2 Ukrainian nationals thurishe

GUWAHATI: Assam’s Karimganj district te Ukrainian nationals tui(2) jun toh valid documents nathakina perai thaka samai thurishe, koikena khobor para janaishe. Etu tui(2) jun ke toh the Badarpur Railway Station te New Delhi-bound train te thurishe. Tai jun laga nam toh Trishchynskyi Volodymyr (39-umer) aro Nazari Vozniuk (21-umer) koikena jenishe. Khobor hesab te tai jun toh Agartala para ahishe aro etu oper te eku valid documents neshina passport nahoile visa toh hath te thaka nai koishe. TYai jun toh Tripura-Sundari Express (train number – 14619) te ahishe. Tai jun ke thura toh hoile Railway Protection Force (RPF) aro Government Railway Police (GRP) duty kora samai suspect nemite thura ase koishe. Etu tuita(2) para police logot koishe ke, tai jun toh India te February moina vacation nemite ahishe aro Tripura te bohi thaka samai, tai khan laga luggage pithor te documents thaka toh chor hoishe. Khobor para aro janaishe ke, itya police toh Ukraine embassy logot etu  connection te detail khobor loi ase. Police para aro koishe ke, joldi etu manuh khan laga details toh mesa thakishe koile, tai jun oper te law hesab te tangor action loboli janaishe.