June 11, 2021. Karnataka government para junaishe ke, itya jai thaka Covid-19 lockdown toh aro 11 districts te positive rates besi thaka nemite aro lockdown othaboli koishe. Hoilebi, Thursday din Karnataka government para dosura district aro Bengaluru Urban te lockdown restrictions toh olp pulti korishe. Etu pulti kora restrictions toh June 14 para 21 darik dak thakibo, koikena Karnataka chief minister BS Yediyurappa aro ministers aro officials logot high-level meeting kora beche junaishe. The Covid19 rathi curfew toh 7 pm para 5 am samai dak lockdown relaxations thaka districts te jai thakibo. Weekend curfew toh Friday 7 pm para Monday 5 am dak districts sob te lockdown relaxations thaka jaja te hobo, koikena media khobor hesab te janaishe. Itya jai thaka Covid19 lockdown restrictions toh June 21 darik 6am dak 11 district te thakibo. Etu districts toh Chickmagalur, Shivamogga, Davanagere, Mysuru, Chamarajanagar, Hassan, Dakshina Kannada, Bengaluru Rural, Mandya, Belagavi aro Kodagu ase. Karnataka chief minister para aro koishe ke, 20 districts te Technical Advisory Committee hesab te relax lockdown restrictions thakiboli fesla loishe. Karnataka chief minister para janaishe ke, construction activities toh kula thakibo aro construction saman neshina cement aro steel dosura saman beka dukan toh be kula thakibo. Morning walkers khan faita nemite parks toh 5 am para 10 am dak kula thakibo, chief minister para janaishe. Taxies aro autorickshaws nemite tuita(2) passengers loikena paraboli paribo koishe.
Add Comment