Karnataka Chief Minister resign hoishe

Bengaluru: Karnataka Chief Minister BS Yediyurappa para tai laga tui(2) saal government celebration kora toh aji resignation junaishe. Tai oper te state te konuba BJP manuh para hataboli kowa nemite ase koishe. “ami resign hoboli fesla loishe. Ami Governor logot lok koriboli ase,” koikena Mr Yediyurappa, 78 umer para Vidhan Sabha te soku paani olaikena koishe aro tai toh building para olai jaishe. “ami 75 umer hoilebi ami ke etu tangor moka deya nemite party manuh oper te besi kushi ase,” koikena tai para reporters logot janaishe. Olop din akhe tai laga speech te, tai para koishe ke, “ketai (Atal Bihari Vajpayee) Prime Minister thakishe, tai para ami ke Centre te minister koriboli hotishe, hoilebi ami Karnataka te thakiboli koishe.” BJP toh Karnataka te tangor howa ase, tai koishe. Tai para aro party’s icons aro top leaders khan oper te besi kushi powa janaishe. Jowa hafta, BJP para tai ke besi kotha koishe aro etu te opposition Congress leader be samil thakishe. Sunday sham te, tai para reporters logot koishe ke, itya dak BJP laga hath para‘ami eku kotha honikena nai” koishe. Tai PM Modi logot meeting kora beche, Mr Yediyurappa para koishe ke, tai dak tai resig koriboli eku kotha koikena nai, hoilebi olop din thaka beche tai ketai hoilebi resign koribo koishe. Mr Yediyurappa toh south para 1^st BJP’s first Chief Minister ase aro tai 2019 saal te coup kora beche Janata Dal Secular-Congress government toh resign hoishe. Etu beche dushman besi BJP joined hoikena elections te jaishe aro besi manuh ke Mr Yediyurappa’s cabinet te samil hoishe koishe.