Karnataka, 24 October : Six jun, Congress leader M Srinivas laga hatya case dey milina thakia aarop dey, Karnataka laga Kolar dey, police para Tuesday subha dey arrest kurishey.
Itu aaropi khan toh Venugopal, Munendra, Santhosh, Nagendra, Harshit aro Arun Kumar asey kuina jaani paishey.
Primary aaropi, Venugopal aro Manindra, theng dey golee lagia laga ekta jokhum khaishey, kitia Santhosh bhi police para taikhan ke golee maria piche dey jokhum khaishey.
Inspector Venkatesh, police personnel Manjunath aro Nagesh logot milaina, itu attack dey jokhum huishey aro district hospital dey julti lui jaishey treatment karney.
Congress leader M Srinivas ke Monday dey murai dishey Karnataka laga Kolar district dey 6 jun aaropi para.
Srinivas toh former Speaker Ramesh Kumar aro Home Minister G Parmeshwara logot close association thakia laga Jani thakishey.
Srinivas toh tai laga bar dey construction hui thakia sai thakishey kuntu piche dey tai wapis ahishey tai laga farmhouse dey.
Itu Congress leader ke Jalappa Hospital dey lui jaishey huilewi hospital laga raasta dey tai laga jokhum karoney muri jaishey.
Add Comment