New Delhi, February 26: Karnataka laga deputy chief minister DK Shivakumar para Wednesday din te Congress party logotey tailaga jhamila chulithaka laga khobor ke inkar kurisey. Tai para Coimbatore te Union home minister Amit Shah logotey Isha Yoga Center te dangor Mahashiratri celebration te participate kuribole nimitey Sadhguru Jaggi Vasudev laga invitation swikar kora nimitey enaka khobor chulithakisey ki Congress party logotey tailaga problem chuli asey.
Shivakumar para koisey ki tai etu visit kora laga matlab etu nohoi ki tai Bharatiya Janata Party(BJP) logotey close hoiasey.
Shivakumar para enaka koisey, “Ami para kunba media aro social media te dikhisey aro amilaga sathi khan para bi call kurikina amikey ami BJP logotey close hoiasey naki koikina hudi asey. Ami tu jonom para ekta Congressman asey, ami Maha Kumbh te ja tu amilaga dhormic biswas nimitey asey aro ami sob dhorom ke respect korey. Enaka khobor ; mi BJP para iljam laga ke bi seriously noloi.”
Tai para enaka bi koisey, “Ami aji Isha Foundation te ja nimitey bi already kotha hunikina asey. Amikey Sadhguru para invite kurisey, etu nimitey ami tatey jabole asey. Ami jonom para Hindu asey kun sob dhorom ke morom korey, aro etu laga matlab enaka nohoi ki ami BJP logotey close hoiasey. Ami Amit Shah ke ekdam lok koranai.”
Sadhguru para Shivakumar ke tailaga ghor te ekta meeting chulithaka homoitey invite kurisiley. Etu invitation pa picheyte, DK Shivakumar para X(poila te Twitter) te enaka likhisey, “Sadhguru Shri Jaggi Vasudev para amikey Isha Yoga Centre, Coimbatore te etu Maha Shivratri celebration te invite kora nimitey dhnayabad asey. Etu dangor spiritual event te pavitra energy experience kuribole tayar asey.”
Union Home Minister Amit Shah bi etu celebration attend kuribole asey.
Ageyte, Congress party bhitor te tailaga rishta bhal nathaka laga reports ola te, Shivakumar para koisey ki tailaga atma tu etu party(Congress) aro etu party laga government laga raksha kora te asey.
Tai para enaka koisey, “Amilaga duty tu party ke bachabole aro government ke surakshit rakhibole laga asey. Etu laga alava, amilaga eku alag duty nai. Amilaga naam eku dusra kaam karney noholabi. Ami kun logotey bi biya paikina thaka nohoi.”
Add Comment