NEW DELHI, SEPTEMBER 30 : India te 2016 sal majutte 4,80,652 ta rasta chamala (road accidents) huikena thakise. Etu chamala pora 1,50,785 jun manu muraide kena thakise. Aro 2015 sal te toh 5,01,423 rasta chamala thakise. Etu ke 1,46,133 jun manu muraide kena thakise. Etu mura majutte 2016 aro 2015 sal te Karnataka toh 5 ta Top States majutte etu chamala pora manu muraidiya ekta besi wala thakise koise.
Etu karne President Ram Nath Kovind pora Karnatak Good Samaritan Bill nemite manise. Aro etu Bill toh Karnataka te kun-kun chamala hua time te chulti pora pachaidebole kuri etu kan ke ekta Legal Protection debole kura laga ase koise.
Etu pora Karnataka State edia toh etu Bill mana toh ahke wala state huijaise koise. Etu Good Samaritans kan Karnataka laga kan ke Legal Protection debole kura. Home Ministry Official khobor hisabte bi President pora Karnataka Good Samaritan aro Medical Professional (Protection aro Regulation during Emergency Situations) Bill, 2016 ke tai neju laga Asset (Bhal kam aro babuna motub nemite) dedese koise. Aro etu Bill laga kanoon hisabte Karnataka Sorkar kan Good Samaritans kan kun-kun chamala te thaka kan ke thik pora motub kuribole kuri etu kan ke poisa de kena motub kuribole laga ase koise. Etubi “Good Samaritan Fund” ulai kena aro manai kena.
Add Comment