April 13, 2024: Karnataka Home Minister G Parameshwaram para investigating agencies kan ascertain kuri bole koshish kuri ase kui shae, Rameshwaram café blast deh NIA para arrest kura accuse kan tho alak terror outfits lokot deh link taki shae nah nai jani bole. Tai para state police keh laud kuri shae kun bah inputs kan provide kura karne, kuto para taikan laka arrest kuri bole pari shae. Accused kan keh aro tos din karne police custody deh taki bole remand kuri di shae.
“NIA aro Karnataka Police, taijun b ekta bishi bhal kam kan kuri shae. First deh tho, mukan CCTV footage kan sob pai shae aro accuse hua ekjun keh sai taki shae, kuto para taikan laka arrest deh motot di shae,” tai para kui shae.
Minister para kinaka police laka tip para NIA keh accused keh duri bole motot kuri shae. “Mukan laka police kan para bishi bhal inputs kan share kuri shae NIA kan lokot deh. Taikan keh cap lakai shae, kuto tai Chennai para kini shae aro telephone number tho, kuto tai dukan deh di nah taki shae,” tai para kui shae.
G Parameshara para agencies kan itia, taikan alak terror-linked crimes lokot deh b links taki shae nah nai, etu bisari bole koshish kuri ase kui shae.
Add Comment