Karnataka: Street vendors logot Rs 2,000 subsidy thishe

New Delhi: Tuesday din Karnataka Chief Minister BS Yediyurappa para street vendors kaun khan registered hoikena ase etu manuh khan nemite released Rs 2,000 subsidy thishe. Etu relief package toh 2^nd wave Covid-19 samai kaun duhk hoikena ase etu nemite state government para junaishe. Tai para aro banks logot koishe ke, etu poisa toh street vendors khan logot subsidy loans pithor te adjust nakoriboli janaishe. Sob melaikena 2,16,439 beneficiaries pithor te 1,91,684 beneficiaries logot Rs 38.33 crore thishe. Etu poisa toh kaun khan laga bank account  Aadhaar logot linked hoikena ase direct transfer koribo, koikena Yediyurappa para tai laga office para khobor toh janaishe. Etu oper te dosura baki beneficiaries khan laga Aadhaar toh bank accounts te linked kori thibo koishe. Aro tai janaishe ke, registered street vendors khan para etu benefit nemite alag apply koriboli kam nai koishe.