June 18, 2021. Thursday din Karnataka te COVID-19 bemari jai thaka nemite local body elections toh postponed korishe, koikena state government para khobor toh junai thishe. Karnataka te notun COVID-19 bemari cases toh5,983 thurishe aro 138 manuh mora khobor paishe, etu sob melaikena bemari cases toh 27.90 lakh hoishe aro 33,434, manuh morishe, koikena health department para janaishe. Etu din state te aro 10,685 manuh bemar bhal hoishe, hoilebi notun cases toh othi-ase. State te itya dak sob melaikena 26,10,157 bemar bhal hoikena ase. Thursday din te 5,983 notun cases thura pithor te, 1,209 cases toh Bengaluru Urban jaga para paishe aro itya city te 1,510 bemar bhal hoishe aro bemari para 17 jun morishe. State te sob melaikena active cases toh 1,46,726 hoikena ase, aro etu samai positive rate toh 3.77 per cent te ase. case fatality rate (CFR) toh 2.30 per cent ase. Etu din te aro 138 jun mora khobor paishe, etu mora pithor te Mysuru para 26, Bengaluru Urban para 17, Dakshina Kannada aro Davangere te 11, Dharwad te 9 cases thakishe. Dosura district kaun jaga te notun cases paishe- Bengaluru Urban te 1,209 cases, Dakshina Kannada te 679 cases, Mysuru te 596 cases, Hassan te 424 cases, Mandya te 309 cases thakishe. Bengaluru Urban district te positive cases toh sobse besi 12,01,963 cases ase, etu beche Mysuru te 1,60,393 cases aro Tumakuru te 1,13,206 cases paishe.
State te itya dak te sob melaikena 3.22 crore samples toh tested korikena ase, etu pithor te Thursday din ekla te 1,58,442 samples tested loishe.
Add Comment