Karnataka, 13 November 2024: Karnataka Olympic Association khan Government of Karnataka lokot haat mili kina tayar ase Mini Olympics laka 3rd edition host kuribo leh November 14 pra November 20, 2024 tak thakibo. Tadeh event te 5,000 bacha khan thakibo pura state pra under-14 saal group te hisa lubol leh, 24 saal sports aro disciples te compete kuribo.
Karnataka Olympic Association President K Govindraj pra koishey enika young talent khan ke utha laka importance aro koishey ki etu Mini Olympic toh ekta crucial platform ase future athletes khan nimite foundation karne. Moikhan bacha khan ke groom kuribo lageh aro etu event taikhan ke madat kuribo taikhan laka sport chose kura te kara foundation bana boleh, enika koishey. Tai aro koishey etu kura toh bacha khan bosti jaka pra aha khan nimite bishi beneficial ase, hotel accommodation offer kuri ase, transport aro bhat khan sop khila manu nimite.
Etu event te bishi sports khan thakibo, athletics, badminton, basketball, boxing, fencing, gymnastics, handball, hockey, judo aro tennis nishina khan. Karnataka laka chief minister, Siddaramaiah pra etu Mini Olympic inaugurate kuribo, aro state government khan Rs3 crore funding d ase etu event nimite.
Mini Olympic first time 2020 te manai shey aro etu time pra ekta important event hoishey young athletes khan karne state te.
Add Comment