Kartik Aaryan aro Disha Patani

Mumbai: Bollywood filmmaker Imtiaz Ali olop akhe te khobor dishe ki tai pora scripts khan bonaikena  ase aro tai etu toh   tai laga production banner Window Seat Films LLP bithor te bonabole mun ase.Aro bi manu khan kotha koi thakishe ki  etu film bona manu bhabona kuri ase ekta romantic drama bonabole nimete Shahid Kapoor logote.Juwa Sal December te Shahid Kapoor khushi janaishe   ‘Jab We Met’ director logote mila karne ekta nutun film nimete ekta alag kisaa te.Etu khobor janaidiya pichede aro Shahid Kapoor pora koishe etu film toh etu sal nobonabo koikena .Tai ke etu film laga kotha kuwa time te Shahid kapoor logte    Imtiaz pora mananai etu project  laga kotha toh.Hoilebi etia Imtiaz lead pair paishe  Karthik Aaryan arto Disha Patani ke tai laga ahibole thaka nutun film nimete .Pink Villa laga khobor hisaab te  etu director pora ekta nutun chehra bisari ase  .Karthik kun bishi naam kamaishe   tai laga film ‘Sonu Ke Titu Ki Sweety’, bishi bhal  huwa pichede .Etia tao  Kirik Party aro Luka Chhupi laga Hindi remake bonai ase.Aro ekta kotha toh’Baaghi 2′ star Disha Patani toh Salman Khan laga film Bharat bonaishe .Etia Imtiaz laga last film toh  ‘Jab Harry Met Sejal’ starring Shah Rukh Khan, Anushka Sharma thaka toh eman bhal chulanai  .Tai laga latest production venture ‘Laila Majnu’ bi box office te naam bonaishe .