New Delhi, March 06 : T-Series para ekta bayan issue kurisey sob rumours(akhwa) ke bon kuridisey aro koisey ki taikhan tu Kartik Aaryan laga film Aashiqui 3 ke produce koranai.
Etu statement te enaka likhikina thakisey, “Judi aro jitya Aashiqui 3 film banabole suru kurisey koiley, T-Series aro Vishesh Films/Mahesh Bhatt tu ekta franchise laga joint malik huwa nimitey amikhan para etu film bi ekey logotey produce kuribo. T-Series para Aashiqui 3 ke ekta alag title para produce kora laga rumour(misa misi khobor) ke deny kuri asey. Anurag Basu para direct kuribole thaka amikhan laga film tu nahi Aashiqui 3 asey nahi Aashiqui franchise laga hisa asey.”
2022 te, Kartik para Instagram te Aashiqui 3 laga motion poster share kurisiley. Tai para enaka likhisey, “Ab Tere Bin Ji Lenge Hum/Zeher Zindagi Ka Pi Lenge Hum# Ashiqui 3. Etu wala tu ekdam mon dukh kuridiya laga hobole asey!! Basu Da(Anurag Basu) logotey amilaga first film.”
Etu ekey saal te Kartik Aryan para enaka koisiley ki tai Aashiqui film saikina dangor huwa asey ao Ashiqui 3 te kaam kora tu tailaga sapna hosa hoija nisna asey. Tai tu Bhushan Kumar aro Mukesh Bhatt logotey milikina kaam kuribole bisi khus nasib mehsoos kuri asey. Tai tu Anurag Basu laga kaam laga bisi dangor fan asey aro etu film te tailogotey kaam kora para taikey bisi alag alag rasta te shape kuridibo.”
Anurag para bi, etu film te Kartik Aryan logotey kaam kora laga kotha koisiley. Anurag para koisey, “Etu tu Kartik Aryan logotey amilaga first film hobole asey, Kartik tu tailaga hard work, dedication aro tailaga kaam nimitey determination thakak nimitey jana jai aro ami para etu film tu tailogotey agey baribole dibole monjai asey.”
1990 te release huwa Aashiqui film ke T-Series aro Vishesh Films para poisa laga support disey. Etu film ke Mahesh Bhatt para direct kurisiley. Etu film te Rahul Roy aro Anu Aggarwal lead role te thakisey. Etu film laga dusra part Aashiqui 2 tu 2013 te olaisiley. Etu second part ke Mohit Suri para direct kurisiley. Aro etu film laga main actor tu Shraddha Kapoor aro Aditya Roy Kapur thakisey. Etu film tu box office te kamyab hoisey.
Add Comment