New Delhi, 23 February : Kartik Karkera New Delhi Marathon jitise, Asian Games qualifying mark bhi cross korise
Kartik Karkera capital laga rastate pura dominance dikhai kene New Delhi Marathon laga 11th edition jitise aru tai logot aru duita runner itu saal laga Asian Games karne qualifying standard cross korise. Etu race Sunday din hoise.
Mumbai pora aha Karkera pura 42.2 kilometre distance 02:13:10 time te complete kori, Japan te itu saal hono laga Asian Games karne qualifying mark bhal pora surpass korise. Profession pora doctor thaka 28 saal laga Karkera ke Gopi Thonakal (02:13:12) aru Man Singh (02:13:15) bisi strong competition dise, kintu last te tai podium laga top position lobo parise.
Tinta runner laga competition bisi fierce ase, finish line te lagbhag ekta logot pohonchise, aru sobse men laga Asian Games qualifying time 2:15:04 pora niche finish korise.
Elite women category te kintu male counterpart khan laga jiman strong performance match koribo naparise, karon sobe 2:31:52 qualifying mark pora bisi dure thakise. Thakor Nirmaben (02:41:15) nijor performance pora proud thakibo paribo, tai higher ranking justify kori Bhagirathi (02:43:28) aru Ashwini Jadhav (02:56:59) ke pichete thaki dise.
Half-marathon laga key race khan te Kuldip Kumar (01:08:51) aru Genet Shikur Reshid (01:19:36) first position loise. Men category te Ravi Bumbak (01:09:33) aru Mohmmad Sahil Anigeri (01:09:41) next duita position paise. Women side te Ekta Ekta (01:19:39) aru Priti Lamva (01:19:59) second aru third hoise.
AFI-certified desh laga National Marathon thaka New Delhi Marathon etu saal bisi dangor success hoise, juntu te 31 desh pora 30,000 pora bisi runner aru 490 city pora participant ahise.
Add Comment