Kasautii Zindagii Kay 2 laga actor Parth Samthaan, show jarishe

August 14, 2020. Kasautii Zindagii Kay 2 actor Parth Samthaan para show jarishe. Etu show tuh Ekta Kapoor’s Balaji Telefilms para bona ase. Lead role loi thaka Erica Fernandes para be jariboli plan kuriase. Parth tuh jariboli notice be thishe aro tai September 10 nahoile 11^th darik dak shoot kuribo. Tai jun meliakena Anurag Basu aro Prerna Sharma neshina hoikena manuh besi ke besi moina entertained kurishe. Tai jun laga onscreen aro off screen show te be 25 September 2018 saal para loikena besi bhal ahishe. Etu show te manuh besi botli kurishe, ari tai jun jai jaa nemite fans khan besi mon dhuk hoboli koishe. Sources para koishe ke, Parth para jariboli decision lowah tuh Prerna aro Mr Bajaj laga kisa tuh botli kura nemite ase. Tai tangor wala project paishe aro show te Karan patel aha nemite tai ke neji kuri thishe. Olop din ake te, kisa  tuh Anurag aro  Prerna oper te thakishe hoilebi etai tuh Mr Bajaj aro Prerna oper te jaiase etu nemite tai kushi paa nai. Aro koishe ke, Parth para etu show te tai 10 umer bacha laga baba kuriboli mon nai, aro tai laga thanka nemite te be ase koishe. Dosura khobor ekta te, Erica Fernandes para kowah tuh tai alak kam nemite jariboli ase. Erica Fernandes tuh Prerna Sharma neshina hoikena manuh laga morom besi paishe. COVID19 bemari thaka nemite  Erica tuh health aro safety nemite ghor para be show tuh shoot kuri thakishe. Etai tai ghor para ola beche shooting kura soruh hoishe. Tai koishe ke, tai laga baba tuh char(4) para heart attack hoishe, aro etu samay tai ama be TB bemar ase, etu nemite tai risk loboli mon naoi koishe. Kasautii Zindagii Kay tuh first te Parth Samthaan, Erica Fernandes, Hina Khan aro Karan Singh Grover, para soruh kurishe. Saal jaa samay, show te manuh besi botli hoishe– Actress Hina Khan para show tuh jarishe. Kahin Toh Hoga laga Aamna Shariff ke loikena notun Komolika kurishe. Etu beche, Karan Singh Grover para be jarikena tai laga botli te Karan Patel ke loishe koishe