Kashmir laka Kupwara jaka deh terrorist keh murai di shae

July 24, 2024: Wednesday din, Kashmir laka Kupwara district deh security forces aro terrorist majo deh fire exchange hui shae aro etu exchange deh ekta terrorist muri jai shae aro ekta non commissioner officer (NCO) jokom kai shae. X laka ekta post deh army para taikan, Jammu aro Kashmir Police deh ekta joint operation launch kuri shae kui shae, utu jaka deh terrorist ase kui nah input pah piche deh. Taikan para launch hua piche deh fire exchange tho trigger hui shae kui shae. “24 July din deh, vigilant troops para suspicious movement kan diki shae aro challenge kuri shae. Etu laka jawab deh, terrorist kan para indiscriminate fire kuri shae. Etu exchange deh, ekta terrorist muri jai shae aro ekta NCO jokom kai shae. Operations tho itia b progress deh ase,” Army laka Chinar Corps para kui shae. Fire exchange kura jaka tho Army laka Divar camp osor deh ase, kuto Lolab Valley deh hua movement keh sai takeh. Forest tho Bandipora aro Baramulla districts deh connect kureh. Terrorist kan etu jaka tho ekta district para alak district deh jab oleh chui.