New Delhi: Pro-Pakistan separatist leader Syed Ali Shah Geelani toh besi din bemar thakina Wednesday rathi Srinagar te morishe, tai laga umer oh 91 thakishe koikena khobor para janaishe. Geelani toh banned Jamaat-e-Islami laga member aro hardline Hurriyat Conference chairman thakishe. Tai toh tui(2) decades neshina bemar besi thakishe. Twitter te kotha kora samai, Former Jammu & Kashmir Chief Minister Mehbooba Mufti para Geelani mori-jowa nemite besi mon duhk howa janaishe. “Geelani sahib mora khobor honikena besi asorit hoishe, keli ami tai oper te respect thakishe aro tai para kam bhal besi korikena ase. Allah Ta’aala para tai oper te jannat thibo aro tai laga ghor manuh ke mon duhk lakai toh janai ase,” koikena Mufti para koishe. Jowa saal, Geelani para All Party Hurriyat Conference te resigned korishe. Tai ke senior-most separatist leader mani thakishe, olop saal akhe te Geelani toh Jamaat-e-Islami Kashmir te member thakishe, hoilebi etu beche tai para nejor party ekta Tehreek-e-Hurriyat koikena kulishe. Tai para aro All Parties Hurriyet (Freedom) Conference te Chairman be kori ahishe, etu toh Jammu & Kashmir te conglomerate separatist parties thaka ase. Geelani toh 1972 saal samai Sopore constituency para MLA hoishe aro etu eke constituency para 1977 aro 1987 saal te Assembly polls te kamyaab hoishe.
Add Comment