Kashmir te 250 nesana Terrorists Active thakise aro 2020 te 25 jun ke morai deshe: J&K DGP Dilbag Singh

Srinagar, 22 February: Kashmir te terrorists activities toh 250 te namise aro etu sal laga first tui moina te 25 terroriest morai deshe. Etu toh dozen operations olob naponjikena security forces para moraishe. Etu khobor toh Saturday din Srinagar te Director General of Jammu and Kashmir Police Dilbag Singh para janaishe.

Tai koise, etu sal etiya tak International Border para valley te tinta terrorists he kusha toh confirm hoise.

DGP para Srinagar te press conference lowah time te reporters ke koise, “Militants laga number list toh poila para namishe. 240 to 250 listed militants toh valley te ase.

Tai koise, last tui moina te report kora laga number aro infiltrated terrorists  confirm howah toh tinta ase.

Tai khan majode ekta JeM militant toh etu par Tral te operation lowah time te morishe. Tai koise, ek dozen olob naponji kena operation lowah toh kamiyaab hoise. 10 ta Kashmir valley te tui ta Jammu region te operate korikena ase.

DGP koise, “Etiya tak etu operations para 25 terrorists ke toh morai kena ase. Nine terrorist operatives toh valley te arrest korise aro three nohoile four toh Jammu te arrest korise. 40 opor OGWs (overground workers) toh terror activities promote kora aro support kora te meliekna ase”.

Social media te virtual private networks (VPNs) para misuse kora opor te saijai kena Mr Singh koise, besi cases toh agae te ahishe aro police toh tai khan ke kelaaf korikena gara act korise.

Tai koise, “Social media te misuse kora besi cases toh ahishe. Handwara jaga laga Waseem Dar ke toh social media te misuse kora nemide arrest korise. Ami khan enaga hatsa opor te sai ase aro action toh debo”.

Social media te SSP-rank officer ke treats powah opor te , Inspector General of Police (IGP), Kashmir, Vijay Kumar koise, etu manu ke kelaaf kori kena action toh lobole ase.

Account naam toh Hafiz Suhail ase. Ami khan verified korise aro user’s real name toh Suhail Wali ase aro tai toh Dalipora Pulwama te thaka manu ase. Ami khan para tai laga khor te search korise hoilebi tai laga parents para tai toh aji kali Dubai te ase koise. Tai ke kelaaf korikena case toh register kuribole ase aro ami khan para agae action toh lobo”.

Kashmiri Pandits para march plan kora opor te DGP koise, “First civil administration para agiya lobo lakae aro agiya powah bechide he ami khan para safety measures toh lobo”.