SRINAGAR: Wednesday te Airport Authority of India official koishe Kashmir valley te lagatar borop geri ase. Etu nimite Kashmir laga jaga jaga khan te normal jeevan te bishi dikdar hoi ase. Jua din para Srinagar airport te ekta flights bhi jabole naparay nohoile bhi wapas land kuribole na pari kena ase. Srinagar airport te ahibole thaka 27 flights te 15 flights toh bhal para dekhibole napara nimite aro borop gera nimite cancel kurishe. Fights toh wapas resume kuribole laga chances toh bishi kom ase.
Bishi borop gena nimite rasta te bhi bishi dikdar pai ase. Jammu aro Srinagar highway toh jua dui din para aro bon hoishe. Raat-bhor (overnight) ekso opor gari khan Baramulla-Srinagar rasta te fasi kena thakishe.
Former Chief Minister aro senior National Conference leader Omar Abdullah twitter te koishe Kashir region te bishi borop gera nimite normal jeevan te bishi dikdar pai ase.
Traffic control department koishe arterial Srinagar aro Jammu rasta th bishi borop aro baris gera nimite bon hoi kena ase. Aro etu nimite kunba jaga khan te mati bhi gerishe.
official para news agency PTI ke koishe baris aro borop gera nimite highway te ekta gari bhi ahibole nohoile bhi jabole allowed nai koishe.
Etiya Kashmir laga opor jaga khan te bishi borop geri ae aro plainste bishi baris hoi ase koishe.
Add Comment