Kashmir, 13 May 2025: Zoya aro Ayan Khan, 12 saal twins, taijun ke murai dishey kicha ekta mortar shell fire kura border across pra taikhan laka rented ghor te mari dishey Jammu aro Kashmir laka Poonch district te last week. Taikhan laka uncle aro aunt b muri jaishey hamla te, kun toh hoishey intensified shelling time te Pakistan army khan pra. Twins toh, kun taikhan laka 12th birthday manai shey last month, muri jaishey May 7 te. Taikhan laka ama bana Poonch te relocate hoishey khali two months agae te bhal education opportunities nimite. Taikhan laka baba, 48 saal Rameez Khan, kun critical jokom paishey shelling timt te aro echa ICU te ase Jammu laka hospital te. Tai laka bacha khan muri shey koina najani kina, tai tai laka life karne fight kuri ase.
Rameez Khan laka liver toh reportedly lagi shey shrapnel pra aro relatives khan pra koishey taike tai laka bacha khan muri shey koina khobor toh echa b kwa nai further trauma toh rukhabo leh. Taikhan laka ama, Ursha Khan, kun mentally duk pai kina ase, bishi duk te phasi kina ase tai laka bacha mura aro tai laka mota zinda bachibo leh fight kura laka bech te. Family toh bishi mon duk te ase khota kuribo leh press ke, hoileh b close relative Maria aro Sohail Khan khan pra terror story toh koi dishey. Maria pra suku pani olai kina koishey, Zoya toh bishi biya pra jokom hoishey. Ayan laka intestines toh bahar olai jaishey. Moikhan laka ekjun relative toh taike revive kuribo leh koshis kuri shey- moikhan bhabi shey tai bachi jabo- hoileh b taijun b olop minutes hoi kina muri jaishey. Taijun bishi morom bacha thaki shey aro extraordinarily mature thaki shey. Rameez kicha b taikhan ke gali nadeh. Tai eni jani shey koileh tai zinda nabachi bo, enika koishey.
Add Comment