Kate Middleton itu haafta public dey Reappear kuribo parey

London, 13 June : Wales laga Princess Kate Middleton, itu haafta public dey wapis ahiwoley hint kurishey, The Independent laga hisab dey. Itu toh reports para tai bimar thakia karoney pura saal public view dey absent thakiboley suggest kuria piche olob din piche dey ulaishey, possibly tai laga cancer treatment karoney.
Huilewi, latest reports para plans podli hua suggest kuri asey. Itu Wales laga princess toh itia kuishey ki tai King laga annual birthday parade dey surprise appearance diwoley consider kuri asey, Saturday, 15 June dey.
Agey dey, ekta heartfelt sandesh dey, tai para Colour rehearsal final Trooping (Colonel laga Review) ke miss kuria laga regret thakia janai dishey.
Kate Middleton toh Irish Guards laga Honourary Colonel asey.
Wales laga princess toh kunwa mahina karney public appearances para absent asey. March 22 dey, tai abdominal surgery undergo kuria piche dey tai laga cancer diagnosis janai dishey January dey. Itu cancer laga specific type toh itia disclose kurianai, huilewi Kensington Palace para confirm kurishey ki Kate toh February dey preventive chemotherapy shuru kurishey. Tai itu homoi para luina public suku para duur thaki asey aro palace para kui asey ki tai toh tai laga doctors para clear kuria piche dey hi duties dey wapis ahibo.
Jaa haafta, Prince William para Kate laga health dey ekta positive update share kurishey, tai para tai laga cancer diagnosis janai dina three mahina piche dey.