Wales, 29 February : Kate Middleton, Wales laga princess, December para luina public para dikhianai, kuntu karney social media users khan itu UK royal laga jinta kuri asey. Kensington Palace laga hisab dey, itu 42-saal toh ghor dey recover kuri asey ekta “planned abdominal surgery” poche dey kunth January dey luishey, huilewi kunwa users kui asey ki itu royal toh ekta “induced coma” dey asey.
January 17 dey, Prince aro Princess of Wales laga office para ekta statement dey kuishey ki itu royal toh ekta surgical procedure piche dey hospital dey 10 para 14 din tak buhiwo aro piche dey ghor dey recover kuribo.
Huilewi, recent din khan dey, itu royal public laga suku dey deri nadikhia toh khota ula shuru hui asey. Kitia claims toh jinta para outlandish conspiracy theories tak range kuri asey, sobse popular theory toh asey ki itu royal tai laga surgery homoi complications huishey aro taike induced coma dey hali dishey.
Spanish TV show host aro journalist Concha Calleja agey dey claim kurisheh ki Kate ke intubate kurishey aro procedure piche dey coma dey hali dishey.
Kate laga mora Prince William, kun Windsor Castle dey recently ekta scheduled appearance para “personal matter” karney ulai jaishey, galas aro events ekela attend kuria dikhia paishey, ekta unusual sight.
Kitia Kensington Palace para kuishey ki Kate Middleton toh public duties dey ahia mahina Easter piche dey wapis ahiwo, local UK media kui asey ki tai pura puri recover huwoley nine mahina tak lagibo.
Buckingham Palace para itia tak surgery laga kaaran janai dianai.
Add Comment