Mumbai, 15 September : Rumours Hindi film industry te bisi common ase — dating rumours nohoile pregnancy laga rumours. Kintu ekjon Bollywood actor juntu sobse besi time pora pregnancy rumours karone news te thaki ase, itu Katrina Kaif ase. 2021 te, Katrina fellow actor Vicky Kaushal logot Rajasthan laga Sawai Madhopur te thaka Six Senses Resort, Fort Barwara te shaadi korise. Itu pora besi time nohoi, kiman bar couple duijon ek sathe bahar ahey, headlines banai dise, netizens khan guess kori thaki Katrina pregnant ase — tai laga walk nohoile baggy kapra pora. Recent te bhi pregnancy rumours uthikena ahise jiman bar duijon ek sathe ferry port te snap kori loise. Kintu itu bar buzz tou hosa hobo pare.
NDTV pora share kora ekta report te sources quote kori kene koi ase ki Katrina Kaif tai laga agey baccha expect kori ase. Katrina aru husband Vicky Kaushal October-November te baby welcome koribo kuina apparently koi ase. Itu news fans khan karone ekta happy surprise hoi dise, aru fans khan saal pora thaka rumours uporte maja ulai thaki, itu ke “longest pregnancy ever” kui ase.
Tai laga film Bad Newz (2024) laga promotions time te, Vicky ke hudi thakise ki tai aru Katrina ketiya fans khan ke ‘good news’ dibo. Tai reply kori thakise ki time aijabo pora update share koribo. Tai karone etia wait kori ase kitia Katrina aru Vicky nijor para confirm koribo.
Add Comment