Agencies, 09 June: Bollywood actress Katrina Kaif toh blockbuster ‘Tiger’ franchise laga third installment te Salman Khan logote thakibole ase aro tai khan project nemite joldi shoot kora thakibole ase. Maharashtra government para khulibole hokom deya bechite, Film aro TV industry toh limited samai bio bubble te shoot suru korise. Restricte thaka para asti khulibole bhabona toh ase.
Sources hisab te, Katrina toh movie laga shoot suru koribole agae shai ase kelay koile ‘Tiger 3’ toh tai laga monn te ektum osor howa nemite. ‘Tiger Zinda Hai’ aro ‘Ek Tha Tiger’ nesana etu film te be tai toh gara action kora dekhibole ase.
Source para Katrina toh COVID situation phal hobole rokhi thakise koise kelay koile tai “Tiger 3” nemite shoot suru koribole. Katrina aro Salman logote, movie te be actor Emraan Hashmi ase aro tai toh gonad laga role koribole ase. Hoilebe film para Emraan toh YRF logote mela te mark koribo.
Tiger 3 te Salman toh R&AW (Research aro Analysis Wing) agent Avinash Singh Rathore aka Tiger laga role kora thakibo aro Katrina toh maike lead te dekhibo.
Popular franchise laga first film ‘Ek Tha Tiger’ kowa toh sal 2012 re ola thakise aro etu te Kabir Khan para direct kora thakise. Film te besi phal jawab aha thakise aro box office te besi kamiyab howa thakise. Second movie titled ‘Tiger Zinda Hai’ toh 2017 te ola thakise aro etu te Ali Abbas Zafar para direct kora thakise aro etu tuita film te be Salman aro Katrina thakise.
‘Tiger 3’ opor te, Salman be SRK’s ‘Pathan’ te dekhibole ase aro etu toh November 2020 te olabole ase.
‘Tiger 3 opor te Katrina ke be ‘Phone Bhoot’, ‘Sooryavanshi’, aro ekta superhero movie Ali Abbas Zafar logote ase.
Add Comment