Advisor for Skill Development, Labour & Employment aro CAWD, Kazheto Kinimi para 13th April 2019 Walford colony, Toyota Showroom, Dimapur osorte National Institute of Professional Studies (NIPTS) khulishe .
Etu inaugural function te kotha kura time te Kinimi pora Nagaland laga juwan manu khan etu skill development sector training toh lobi lobole karne.Kile koile government job nakurikena nijor hi kiba ekta kuribole paribo karne lobi.
Director of Skill Development and Entrepreneurship, Nagaland, C.Lotam Chang para bi likha puda manu khan ke etu free soft skills training lobi koishe .Etu toh Nagaland te etia jai thaka Central Schemes te ekta ase .
NIPS khan etu training logote Pradhan Mantri Kaushal Vikas Yojana, Ministry of Skill Development and Entrepreneurship, Government of India, Directorate of Skill Development and Entrepreneurship, Government of Nagaland logote milikena kura flagship programme ase.
Etu Institute para Makeup Artist, Retail Sales Associate aro front Office Associate laga free training dibo .Etu logote etu students khan ke course logote free basic computer training digital literacy programme bithor te dibo.Etu training lobole nimete minimum qualification toh 10 pass aro above ase.
Add Comment