July 21, 2024: Rudraprayag district deh taka Chidwasa jaka osor deh ekta landslide hua thom teenjun manu keh jokom kuri di shae aro ath-jun keh jokom kuri di shae. Etu incident tho Kedarnath route deh hui shae, Uttarakhand deh. Ekta State Disaster Response Force (SDRF) ahi shae aro ahi nah phat jokom kura manu keh evacuate kuri di shae. Mura manu laka bodies tho SDRF para district police keh di di shae. Landslide hua tho pator kan giri taki shae upor para aro etu pator kan para manu kan keh jokom kuri di shae. Uttarakhand Chief minister Puskhar Singh Dhami para X laka ekta post deh etu kui shae.” Kedarnath Yatra rasta deh pator kan giri shae kui nah kobor huni shae mui. Aro etu giri jah pator kan para manu kan keh jokom kuri di shae kui nah kobor pah tho bishi upsos ase,” tai para liki shae. Tai para rescue operations kan itia b hui ase kui shae aro jokom kah manu kan keh tho bhal para sail u bo kui shae. “Relief aro rescue work kan itia b jai ase, accident hua jaka deh. Etu mamla deh mui officials kan lokot deh kotha kuri ase. Jokom kah manu kan keh bhal para treat kuri b kui nah mui instructions kan di nah ase,” tai para kui shae.
Kedarnath Yatra rasta deh landslide hua tho teenjun manu muri jai shae
Add Comment