New Delhi, August 12 : Keerthy Suresh, kun director Nag Ashwin logotey taikhan laga 2018 te release huwa hit film Mahanati nimitey ekta close sambandh share korey tai para koisey ki tai para Nag Ashwin laga sci-fi film ‘Kalki 2898 AD te ekta ‘manu’ laga role kuribole mana kuridisey. Ekta interview te Keerthy para koisey ki AI robot Bujji laga ageyte taikey dusra role offer kurisiley.
Keerthy para etu koisey ki tai para etu dusra role tu etu ke loikina eman sure nathaka nimitey mana kuridisey hoilebi tai kinaka hoilebi etu film laga ekta hisa hobole mon thakisey.
Tai para koisey, “Suru te jitya tai(Nag Ashwin) para amikey ekta AI robot ke awas dibole mon asey kuwa homoitey ami bujanai. Ami etu film(Kalki 2898 AD) te kaam kuribole ageyte Amazon Prime te Bujji aro Bhairava nimitey dub(awas record kora) kurisiley. Ami logotey etu role nimitey bisi alag alag bhasa te dub kuribole laga dum thakisey. Ami para etu role nimitey kuntu sobsey bhal milibo etu sabole karney sob bhasa te 5ta-6ta modulation(awas adjust) KURISEY. Ekta film nimitey dub(awas record) kora tu hey asaan asey.”
Kalki 2898 AD te Keerthy para BU- JZ-1 (dusra naam Bujji) laga kirdar nibhaisiley kuntu tu ekta AI robot asey. Aro kun nimitey Bhairava(Prabhas) para ekta ‘body’ banaisiley. Bujji aro Bhairava tu ekta animated(cartoon) introduction thakisey kuntu tu Kalki 2898 AD laga ageyte release hoisiley.
Keerthy ke joldi hi Tamil film Raghu Thatha, Revolver Rita aro Kannivedi te dikhibole asey. Taikey Bollywood film te bi first time dikhibole asey. Etu film laga naam tu ‘Baby John’ asey kuntu te Varun Dhawan main hero laga role kuri asey. Etu tu Tamil film Their laga remake asey kuntu ke Atlee para direct kurisey aro kuntu te Vijay Thalapathy main hero thakisey.
Add Comment