February 2, 2024: Kenya laka capital Nairobi deh ekta gas explosion laka jui para tuijun manu keh murai di shae aro kom seh kom 165 manu keh jokom kuri di shae, ekta local newspaper para Friday din deh kui shae. Jui kuto Nairobi laka Embakasi neighborhood deh hui shae, etu jui tho midnight nahua time deh shuru hui shae ekta gas refilling company deh. Kuto laka building tho bia para bangi jai shae, government laka spokesperson Isaac Mwaura para kui shae X deh.
Embakasi deh police laka commander in charge Wesley Kimeto para incident karne kom seh kom tuita manu muri shae kui nah confirm hui shae kui shae. Nairobi jaka laka police commander, Adamson Bungei para kom seh kom 165 manu jokom kai nah hospital deh lui jai shae kui shae.
Scene deh taka jui laka photos kan deh mati deh ekta body diki bo pari shae kuto blanket para cover hui nah taki shae. Alak side deh Reuters laka television footage para ghor kan jula dikai shae.
Add Comment