February 13, 2024: Monday din deh Kevlin Kpitum laka kandan para Sunday rati deh marathon world-record holder ekta gari accident deh muri jah tho taikan laka sapna aro future tho bangi jai shae kui shae.
Kiptum aro taila Rwandan coach, Gervis Hakizimana ekta crash deh muri jai shae Kaptagat laka town deh kuto western Kenya deh ase. Kiptum laka baba, Samson Cheruiyot kun ekta farmer ase, tai regional network Citizen TV lokot deh ekta interview lui shae aro tateh tai para taila ekla bacha hari jai shae kui shae kun tai karne ekta ghor bana bole aro ekta gari dib oleh kasam kuri shae.
Kiptum laka ama taila bacha keh jokom dia piche deh kunba complication kan taki shae aro doctors kan para aro pregnancies laka against jai shae, Cheruiyot para interview deh kui shae. Tai para taikan last Saturday rati ki kotha kuri shae, etu kui shae. Utu rati deh Kiptum para tai peak condition deh ase kui shae aro tai April deh aha Rotterdam Marathon tho tui kanda pitor deh pola bole pari bo kui taki shae.
Kiptum tai electrical engineering laka studies deh aro jabo leh mana kuri shae aro etu nahoi ah running deh heh focus kuri bole choose kuri shae, kuto taila passion taki shae, Cheruiyot para kui shae.
