Kerala actor keh drugs lokot deh arrest kuri di shae

October 19, 2024: Friday din deh ekta 34 sal laka television serial actress, Shamnath keh custody laka pitor deh lui jai shae, Paravue police para. Etu arrest tho taila ghor para kui shae, kuto Kerala laka Ozhivupara deh ase. Authorities kan ekta tip-off pah piche deh arrest tho bana ase. Enaka hua tho taila ghor deh raid kuri shae kuteh methylenedioxyphenethylamine (MDMA) laka two milligrams pai shae.Police officials laka isap deh, Shamnath tho kun bah time karne substance tho chui taki shae kui nah suspect deh taki shae. Manu kan kun taike drugs lokot deh supply kuri shae, taikan keh identify kuri bole ekta investigation kuri ase.“Taila custody deh two milligrams nishi nah MDMA pai shae. Tai tho kun bah time karne drugs tho chui taki shae kui nah mukan suspect kuri taki shae,: ekta official para news agency ANI keh kui shae.Actress tho Narcotic Drugs and Psychotropic Substances Act laka relevant sections pitor deh book kuri shae. Celebrity ekta enaka face kura tho first time nahoi. Aryna Khan, kun superstar Shah Rukh Khan laka bacha ase, tai keh b 2022 sal deh arrest kuri shae, ekta drug bust case deh. Hoile b Narcotics Control Bureau para Aryna keh ekta clean chit di shae, etu case deh.