New Delhi: Friday din Lok Sabha te Union Health Minister Mansukh Mandaviya janaishe ke, Kerala te August 2 darik dak 65 Zika virus cases thurikena ase. State laga capital Thiruvananthapuram te 61 cases, Ernakulam te tuita(2) cases, Kottayam aro Kollam te 1 cases ase koikena tai para lekina janaishe. Government para bemar oper te kam kora laga kotha kora samai, Mandaviya para koishe ke, Union Ministry of Health para Zika toh control aro containment kam kori ase koishe. Minister para vector surveys toh regional offices of the Health & Family Welfare, Government of India para international airports aro etu jaga osor te loishe. Minister para aro janaishe ke, NVBDCP laga Central Cross Checking Organisation (CCCO) para entomological surveys loikena desh laga international airports te Aedes breeding free status jolaboli koishe. States aro UTs logot etu khobor toh junaishe aro vector control kam toh state para hotai moina report bonaikena thiboli janaishe. Ministry of Health’s Rashtriya Bal Swasthya Karyakram (RBSK) pithor te Surveillance for microcephaly in newborns toh loishe, koikena House te janaishe. Itya dak Kerala te microcephaly cases toh nai koishe. Kerala te multi-disciplinary central team para July 10 para 21, 2021 dak Kerala visit korishe aro state health department ke motob korikena control aro containment kam korishe koikena tai para aro House te janaishe. Zika virus bemar toh Aedes mosquitoes laga bite para virus toh spread hoi aro etu para fever, rash, conjunctivitis, muscle aro joint pain, malaise aro headache hoi. Zika virus bemari manuh besi logot symptoms nathaki koishe. Etu bemari toh 1st India te 2017 saal te thurishe koishe.
Add Comment