New, Delhi, November 8 – Kerala Chief Minister Pinarayi Vijayan strongly condemn korishe Southern Railway karone, jitu reportedly students khan ke RSS laga ekta song gabo dikhai dishe new Vande Bharat Express inauguration time, jitu Ernakulam aru Bengaluru majote launch hoishe. Etu incident karone political controversy uthishe, karon opposition khan accuse kori ase Railway department ke communal agenda promote kori ase buli.
Vijayan koi dishe ki etu kaam “highly condemnable” aru “unacceptable” ase, aru etu desh laga secular aru constitutional values ke violate kore. Tai koishe, “Ekta government institution, jimon Indian Railways, etu dhor ka ideology promote koribo laga jagah nohoi. Etu constitutional secularism laga against ase.”
Chief Minister aro add korishe, “Public institutions khan neutral thakibo lage, aru religious aru political organization laga side naloibo lage. Students khan ke use korikina communal organization laga song government program te gabo dibo ekta dangerous precedent ase.”
Rajya Sabha MP John Brittas bhi condemn korishe, social media te ekta video share kori kina koishe ki Railways “stooped to new depths” eneka official event te allow kura karone.
Etu issue te opposition party khan Ministry of Railways para official clarification demand korishe. Kintu, ajitak Southern Railway para kunba statement or explanation ahina nai, ki karone etu song include kora hoisil event te.
Ernakulam–Bengaluru Vande Bharat Express toh ekta niji semi-high-speed train ase jitu recently launch kora hoishe, aru etu Southern India te connectivity improve koribo laga ekta major step ase.
Add Comment