Kerala, 13 March 2025: Ekta 38 saal dairy farmer Kerala laka Kannur district te, tai laka right haat katibo leh olaishey, wrist tak, bacterial infection maas kamuri kina hwa pichideh, life-threatening hoi jaishey. Rajeesh, Madapeedika laka manu Thalaseery te, tai pra koishey taike maas pra kamuri shey locally ‘kadu’ koina, pit sapa kura time early February te. Initially, jokom toh chutu mutu lagi shey, hoileh b joldi ekta serious condition hoi jaishey. Medical attention bisari kina Kodiyeri Primary Health Centre te, Rajeesh ke tetanus injection dishey. Hoileh b jokom toh aro biya wala hoi jaishey, taike hospital te admit kuri shey Mahe te aro olop deri hoi kina private hospital te shift kuri dishey Kozhikode te. Doctors khan gas gangrene lokot diagnosed kuri shey, ekta severe bacterial infection kun toh tissue destroy kureh aro bitor pra gas banai.
Infection toh tai laka palm tak spread hwa time te, amputation toh kuribo lagishey further complication rukhabo leh, potential brain damage milai kina. Health authorities khan caution advised kuri shey kicha gela mati choi, kileh maneh bacteria gas gangrene laka toh enika conditions khan te thake. Taikhan manu khan ke urged kuri shey immediate medical attention bisaribo leh kicha jokom pai enika letara environment te.
Add Comment