Kerala govt kan teenta phase deh rehabilitate kuri bole ase

August 8, 2024: Wayanad deh hua dangor landslides para affect hua manu kan karne rehabilitation tho teentha phase deh kuri bo, chartha-member cabinet sub-committee para kui shae, kun utu jaka deh relief operations keh oversee kuri ase. Wednesday din deh disaster laka official death toll tho 225 tak punchi jai shae. Search operations laka ninth day deh, ekta body aro chartha body parts keh pai shae, Wayanad aro Nilambur laka landslide-affected jaka kan deh. Total 192 body parts kan keh pai nah ase, July 30 laka dangor landslide shua piche deh. Bishi wak body parts kan tho unidentified ase. Ration card laka examination isap deh total 138 manu kan itia b hari nah ase. Revenue minister K Rajan para first phase deh relief camps para manu kan keh temporary accommodations deh lui jabo kui shae. Second phase deh taikan keh ekta temporary transit home system dibo, taikan keh permanent ghor deh shift nakura time deh. Final phase deh ekta comprehensive township plan taki bo, kuteh sob facilities kan taki bo, ekta safe aro suitable environment deh.