Kerela, 19 February : Kerala High Court pora Ministry of Information and Broadcasting, Central Board of Film Certification (CBFC) aru The Kerala Story 2 – Goes Beyond film laga producer ke notice issue korise, Thursday din. Etu step tu ekta petition file kora pichete loise, juntu film tu laga release bondho koribo request kori thakise.
Petition tu Sreedev Namboodiri itu file kori ase, tai profession hisab te ekjon biologist. Tai allegation kori ase ki film laga teaser dekhina tai nijor conscience shock hoise, karon teaser tou Kerala laga biya image dikhai ase.
Petitioner te kowa hisab te, film laga teaser te bishi states laga stories ase, title tu ene impression diya ase ki juntu ghotona dekhaise, sob Kerala te ghotise.
Petitioner te aru kowa ase ki eneka portrayal pora pura regional population laga upor stigma ahibo pare, public order disturb hobo pare, aru communal aru regional disharmony trigger hobo pare. Itu karone tai film The Kerala Story 2 – Goes Beyond laga release aru public exhibition upor stay dibole request kori ase. Film tu February 27 te release hobo kuina schedule kori ase.
Alternatively, petitioner te Court ke request kori ase ki Central Government ke direction dibi, kutey Court pora set kora time frame bhitor te Exhibit P3 revision petition consider aru decide kore, aru decision ahibo film laga release hold te rakhe.
The Kerala Story 2 etiya ekta political storm uthaise, juntu karone politicians khan film laga subject loi bhag bhag hoise. Ongoing controversy majot, film tu aji age din te Central Board of Film Certification pora U/A certification pai loise.
Add Comment