Kannur, 15 January 2025: Ekta 67 saal mota Kerala laka Kannur pra, kun ke muri shey koina declared kuri shey private hospital khan pra Mangaluru, Karnataka te, taike zinda hoi kina paishey mortuary te Kannur te late Monday din rati te. Manu toh, nam Velluvakkandi Pavithran, Pachapoika, Kerala pra, taike Mangaluru hospital te admit kuri shey earlier etu din te paralysis aro respiratory issues laka treatment karne. ventilator te rakhi kina b, tai laka halat aro biya wala hoishey, etu nimite hospital khan tai laka ghor manu ke janai dishey ki life support toh withdraw kuri dibo improvement nahwa karne. Saam hoi kina, hospital khan pra taike muri jaishey koina rakhi dishey aro arrangements khan banai thaki shey body toh ghor wapas loi jab oleh.
Tai laka body toh Kannur te phatai dishey ambulance te 6:30pm nishina te.Hoileh b deri hwa nimite, ghor manu khan pra decide kuri shey body toh mortuary AKG hospital te rakhi boleh. 11:30pm nishina te body toh morgue te loi ja time te, Jayan duty te thaka pra olop unusual dikhi paishey. Ambulance khula time te, tai haat toh hila nishina lagi shey, Jayan wapas bahbi shey. Tai Anoop, mortuary khula man uke koishey tai doubt ase koina, taikhan kicha taike chuishey, pulse feel kuri shey. Tai laka ghor manu insist kuri shey ki tai toh muri jaishey, hoileh b taikhan decide kuri shey Casualty te loi jab oleh.
AKG hospital te medical team khan pra confirmed kuri shey ki Pavithran toh zinda ase. taike joldi Intensive Care Unit (ICU) te loi jaishey further treatment nimite aro olop deri hoina kina doctors khan report kuri shey tai taila nam ke b jawab dishey koina.
Add Comment