Kerala manu tui din karne hospital lift deh pasi nah taki shae

July 15, 2024: Ekta 59 sal laka manu, tui din karne hospital deh pasa nah taki shae. Etu hua piche deh, Kerala health department para Monday din deh, Thiruvananthapuram Government Medical College Hospital laka teentha staff members kan keh suspend kuri shae. Suspend kura teentha member deh tuita tho lift operator taki shae aro ekta duty sergeant taki shae, hospital laka. Emergency situation ase kui nah officials kan, Monday din deh jani shae. Enaka hua tho, taikan laka against health department para disciplinary action initiate kuri shae. Ravindran Nair, kun Ulloor laka ekta resident ase, tai ekta medical check up kuri bo karne hospital keh visit kuri shae, Saturday din deh. Tai tho, government medical college laka outpatient block deh pasi nah taki shae, lift laka pitor deh. Tai, 48 houses nishi nah pasa piche deh heh ekta operator para taike bajai di shae. Operator tho routine work karne report kuri taki shae. Nair tho hospital deh admit hui nah ase, ekta detailed medical examination karne. Police para etu kui shae,” Tai tho first floor deh jabo karne lift pitor deh jai shae, hoile b tai para, lift niche jai shae kui shae aro khulai nai kui shae. Tai motot karne hala kuri taki shae, hoile b kun b aha nai. Taila phone b switched off taki shae.