Kerala te 5 Tamil Nadu Forest Department Officials thurishe

Coimbatore: Tamil Nadu laga 5 forest department officials kuan khan Palakkad te train para tinta(3) elephants aro ekta pregnant thaka morishe enquire koriboli jowa samai Ettimadai osor city te November 26 darik te Palakkad railway station te Saturday din officials khan ke thurishe, koikena police para khobor toh janaishe. Loco pilot aro co pilot toh be Kerala para ase aro tai khan ke pachyderms morai-deya nemite Railway aro forest department officials para olop din akhe te sawal korishe, etu samai tai khan para train toh rokiboli korishe aro pachyderms ke ketaishe koishe. Tamil Nadu laga forest personnel, kuan khan Palakkad railway station te jaikena thaka samai railway police para thurishe koishe. Etu khobor honai beche, konuba politician neshina like Thanthai Periyar Dravidar Kahakam aro Viduthalai Chiruthaigal para Malayali Samaj building osor te protest korishe aro etu action nemite slogans othaishe. District Forest Officer Ashok Kumar toh itya railway officials logot Kerala te etu hatsa nemite kotha koi ase, koikena police para aro khobor toh janaishe.