Thiruvananthapuram: Kerala te COVID-19 bemari cases 22,182 notun thurishe aro 178 manu morishe, etu sob melaikena itya state te caseload toh 44,46,228 hoishe aro 23,165 manu morikena ase, koikena khobor toh Thursday din dak te state health ministry para janai thishe. Hoilebi, state government para Test Positivity Rate toh tui(2) din wala ase ke release kori deya nai. Wednesday din dak te bemari para bhal howa toh 26,563 ase aro sob melaikena 42,36,309 jun bemar bhal hoishe aro etu oper te active cases toh 1,86,190 ase koikena government para janaishe. 24 gonda pithor te 1,21,486 samples tested korishe koishe. Hoilebi, aro khobor hesab te 24 gonda samai te ,21,486 samples tested lowa te 22,182 notun positive cases paishe, etu nemite cases toh 18.25 percent te ase. 14 districts pithor te Thrissur te sobse besi cases 3,252 hoikena ase, etu beche Ernakulam te (2,901), Thiruvananthapuram (2,135), Malappuram (2,061), Kozhikode (1,792), Palakkad (1,613), Kollam (1,520), Alappuzha (1,442), Kannur (1,246), Kottayam (1,212), Pathanamthitta (1,015) aro Idukki (973) cases ase koishe. Etu notun cases thura te 105 toh health workers, 89 toh state bahar para aha ase aro 21,122 toh contact para lakai ase aro etu oper te 866 cases toh clear nai koishe. Itya dak te 5,54,807 manuh toh alag-alag districts te surveillance pithor te ase aro etu te 5,27,791 manu home nahoile institutional quarantine te ase aro 27,016 jun toh hospitals as ease koikena khobor para janaishe.
Add Comment