December 19, 2024: Commissioner and Secretary to Chief Minister of Nagaland, Kesonyü Yhome para NPSC Office, Kohima osor deh taka Kohima Village Gazetted Officers’ Association (KVGOA) Island, Chatsa deh ekta nutun construct hua water fountain keh inaugurate kuri shae. project, kuto Pollution Control Board para fund kuri shae, Deputy Commissioner laka office para, etu tho island laka attraction deh ekta dangor addition ase.
Taila encouraging kotha deh, Kesonyu Yhome para project laka successful execution pichae deh taka collaborative efforts keh praise kuri shae. Tai para Association keh lead lu b kui shae, civic sense bana bole, especially jawan chokra laka majo deh.
Project laka report deh ekta brief report di nah, Dr. Menuosietuo Tsiekha para fountain laka center piece tho ekta striking feature ase kui shae, kuto paa chartha horn cups keh feature kureh. Etu keh locally Heike ase kui nah janeh. Hand tho Almighty laka blessing keh represent kureh, bosti laka upor deh.
Program tho KGOK, President Kethosituo Sekhose NCS para chair kuri shae, kun para taila closing remarks deh District Administration keh taila gratitude di shae, Association keh ekta project award kuri dia karne. KGOK Office bearers, Chartha Khels laka Unit office bearers aro KGOK members kan etu inaugural program keh attend kuri shae.
Add Comment