Dimapur, September 25 – National Clean Air Programme (NCAP) laga part hisap para, Waste Management aru Composting as an Alternative to Burning of Waste laga workshop ekta organise kurishe Kevijau Colony, Dimapur te 24th September 2025 te. Etu programme laga main aim toh sustainable waste disposal practice promote kuribole aru community ke encourage kuribole household aru community waste management te participate kuribole karone. Programme te chair kurishe Kevijau Women’s Organisation (KWO) laga President, A. Obangmenla Jamir.
Keynote address te, Imlijungla, EAC Dimapur para stress kuri she urgent need ase eco-friendly waste management practice adopt kuribo karone, karon pollution level din-din bishi serious hoi ase. Tai remark kurishe ki clean air toh ekta basic need healthy life karone, kintu vehicle, industry, waste burning aru human activity para threat te thaki ase. NCAP government of India para launch kora, aru etu laga aim toh air pollution komai dibo aru city khan ke healthy banai dibo.
Tai janai dishe — “NCAP laga success collective effort para hai hobo — government, local body, aru bishi important public poaa. Real change shuru hobo jodi citizen khan nijor responsibility loile: waste burn nakurile, surroundings clean rakhile, tree plant kurile, aru lifestyle te small meaningful change kurile.” Tai encourage kurishe ki community milaikina action loi jabole lage. “Juntu change ami hope kuribo, tate shuru hobo ami laga community bhitor para hai. First ami laga habit aru negligence komai dibo lage, etu pichete environment ke extend kuribo.”
Imlijungla para upcoming Run 4 Green Marathon bhi highlight kuri she, juntu District Administration, Dimapur Development Authority, Department of Environment and Climate Change, Nagaland Pollution Control Board aru National Youth Climate Consortium logote organise kuri jabo, NGO partner Team Better Dimapur, Can Youth aru Pro-Rural logot. Etu marathon 27th September te hobo, awareness dimapur clean air karone, aru tree plantation bhi thakibo “Plant for a Tree Marathon” theme under. Tai janai dishe ki sob tree plant kura toh, tate ekta healthier tomorrow karone aru future karone commitment ase.
Adrian, Consultant from Dimapur Municipal Council (DMC) para waste segregation laga importance bisare kotha kuri dishe. Tai janai dishe ki waste burn kurile kharap ase sob manu karone, etu waste ke ekta resource banai dibo lage proper segregation para. “Sob household contribution kuribo pare — wet aru dry waste alag kuri kina. Sob jinish ek bin te nakurikina. Jodi responsibility loi aru ekjon ekjon ke sikhaile, waste to wealth bana bole pare aru clean, healthy Dimapur build kuribole pare.” Tai aru janai dishe ki DMC every month ₹48 lakh khorcha kuri thake labour, driver aru diesel karone waste disposal, kintu waste properly handle kurile revenue bhi generate kuribo pare.
Technical session Life Ministry Learning Centre para lead kurishe, juntu te composting technique demonstrate kurishe, juntu sustainable alternative ase waste burn kora karone.Workshop khan end kurishe compost bin distribution aru vote of thanks toh Kesovonou, General Secretary of KWO para dishe, aru invocation pronounce kuri dishe Aliang Zeiliang.
Add Comment