Turin, 30 October : Napoli laga midfielder Kevin De Bruyne laga hamstring injury karone tai operation kori loise, aru etu surgery safal hoi loise kuina Serie A club Wednesday te confirm kori dise. De Bruyne injury paise kitia tai Inter Milan logot laga match te penalty spot pora first goal score kori thakise. Belgium laga international player tai turant nijor right leg laga piche part dhorise aru tai help kori field pora uthai dise.
Scan korar pisot “high-grade lesion to the biceps femoris muscle” paise, aru etu karone surgery laga dorkar hoi jaise.
Napoli etiya tak 34 saal laga player De Bruyne ketiya wapas ahibo etu laga timeframe disclose nakori. Tai age bhi hamstring problem karone suffer kori thakise, aru 2023 te bhi surgery kori thakise kitia tai Manchester City te thakise.
Serie A leader Napoli Saturday te seventh-placed Como logot match khelibo.
Add Comment