Headlines • Sports

Kevin De Bruyne tou Manchester City chariboley asey

April 4, 2025
2 Views

Manchester, 4 April : Manchester City laga midfielder Kevin De Bruyne Friday din janai dise ki tai club para jabo ase jabole, juntu tai laga contract khotom hobo ekdom current season laga end te. Itu khobor ekta dangor jhatka hoise Pep Guardiola laga team karone, karon Kevin De Bruyne e 2015 te club join korar por pora Manchester City ke 6 ta Premier League title aru 1 ta Champions League title jitibole madad kori dise. Tai 2022-23 season te treble jitithaka Manchester City team laga ekta part bhi thakise.

Kevin De Bruyne X (formerly Twitter) te post kori confirm korise.

“Dear Manchester”, De Bruyne likhise: “Itu dekhi thaka te, apuni man jai ase ki moi ki kobo lage. Tai moi directly kobo bisari ase – ei hoise moi laga last months Manchester City player hishab te. Itu likhibole ekdom easy nohoi, kintu ek football player hishab te, sobke jani ase ki eta din ahibo jabo lage. Aji itu din ahise – aru moi bisarise apuni sobke moi pora personally janaide.”

“Ei city. Ei club. Ei manuh … moi ke sab kichu dise. Moi laga majburi thakise sab kichu wapas dibole! Aru jano ki – ami sob kichu jitilou. Moi ki manobo lage nai, kintu biday bolar time ahise. Suri, Rome, Mason, Michele aru moi – sob jun tumikhan karone bahut grateful ase. Manchester hobo hamesha ami laga baccha khan laga passport te, aru sabse important – ami laga mon te.”

Tai aage ulai kobo, “Football moi ke tumikhan logot aru ei city te loi aise. Moi ki manobo lage nai, kintu biday bolar time ahise … Sob story laga end thake kintu ei hoise moi laga best chapter. Eitu last moments milaiki enjoy kuri lobo.”

Kevin De Bruyne e 413 ta match khele ase club karone aru total 106 ta goal score korise. Ei season te tai 19 ta match te starting lineup te khele ase. Tai 2015 te VfL Wolfsburg para Manchester City te join korise.

Manchester City ekhon Premier League standings te 5th place te ase. Club ekhon table-topper Liverpool karone 22 points piche ase. Pep Guardiola laga team ekhon 4th place te thaka Chelsea pora ek point niche ase. Club laga next match Manchester United laga logot hobo Sunday din Premier League te.