Agencies, 20 July: Monday te Former England cricketer Kevin Pietersen para Assam laga manu khan nemide prathana korise kelay koile tati flood para manu khan besi mora aro dekthari powa thaka nemide.
Sunday din Assam te pura situation toh phalli hoise aro besi districts para aro five manu morishe. Etu para state te mora toh 84 te otha thakise. Aro 33 districts laga 24 te flood howa para 25.30 lakh nesana manu ke dekthari pai thakise.
Pietersen para Twitter te Assam laga manu nemide mondukh howa janaishe. Tai koise, March moina Assam te trip jaa samai te flood para manu khan ke ektum dekthari powa dekhise.
Etu agae te India football captain Sunil Chhetri para be northeastern state nemide attention aro assistance kowa thakise kelay koile COVID-19 pandemic thaki thaka samai te floods para dekthari pai thaka nemide. Chhetri para tweet te koise, “Prathana logode Assam nemide besi attention aro motob toh lakae flood para recover hobo nemide”.
Assam State Disaster Management Authority (ASDMA) officials koise, 24 districts para 25.30 lakh manu dekthari powa te 17 lakh nesana toh five districts– Goalpara (453,858), Barpeta (343,707), Morigaon (341,788), Dhubri (315,838) aro South Sakmara (225,209) para ase.
Forest Department aro ASDMA officials koise, etiya tak komti hoilebe 108 animals morishe aro 134 animals bachaise. Duniya laga famous Kaziranga National Park aro 2,200 opor one-horned Indian rhinoceros nemide khor be flood para ase.
Add Comment