Khaleda Zia laka party, India keh alchi laki nah ase

August 9, 2024: Bangladesh Nationalist Party (BNP), kun Sheikh Hasina laka Awami League lokot deh ekta major rival ase, tai India lokot deh alchi laki nah ase, Hasina pola piche deh prime minister keh host kura karne. Gayeshwar Roy, kun Khaldeda Zia party laka ekta senior leader aro former minister ase, tai paea BNP kan Bangladesh aro India majo deh mutual cooperation support kureh kui shae. Hoile b,” apni kan mukan laka dushman keh motod kuri shae koile tho mutual cooperation keh honour kuri bole dictar hui jai”. Tai para taikan jinta ase kui shae, India kan Sheikh Hasina keh support kuri ase kui nah. “Sheikh Hasina laka liability tho India para duri ase. Indian aro Bangladesh manu kan ekjun ekjun lokot deh eku jamala nai. Hoile b India kan pura country keh nahoi nah, khali ekta party keh heh promote kuri bole lageh?” Gayeshwar Roy para kui shae. Sheikh Hasina tho Bangladesh prime Minister laka position para resign kuri nah ase aro India deh polai jai nah ase. Taila future plans tho itia b najaneh – tai alak country deh asylum bisari bo nah, India deh bui taki bo. Taila bacha, Sajeeb Wazed Joy para Indian government keh thanks di shae taila ama keh protect kura karne aro Prime Minister Narendra Modi keh gratitude express kuri shae. Joy para India keh, Bangladesh deh democracy restore kuri bole efforts tho lead kuri b kui shae. Tai para Hasina tho UK deh asylum bisari ase kui nah rumors b dismiss kuri di shae.