May 18, 2024: Saturday din deh Congress President Mallikarjun Kharge para Prime Minister Narendra Modi keh accuse kuri shae. tai para Modi tho voters keh provoke kuri ase kui shae aro Election Commission keh action lubi kui shae. Etu laka ahae deh, BJP leader para Opposition INDIA bloc kan keh power deh ani shae koile tho, taikan Ram temple laka upor deh bulldozer polai di bo kui shae.
“Mukan itia tak bulldozer ekta b chula nai. Election Commission kan, manu kan kun instigating speeches kan banai, etu laka against action lobo lageh. Prime Minister, tai nijor b kuri ase. Tai manu kan keh provoke kuri ase. Mukan laka government aha piche deh, mukan laka constitution laka pitor deh sob manu ekh protect kuri bo, Mukan Constitution keh follow kuri bo,” Kharge para kui shae.
NCP-SP leader Sharad Pawar aro former Maharashtra Chief Minister uddav Thackeray lokot deh, Kharge para Mumbai deh ekta press conference lui shae. Tateh Kharge para Election Commission laka decision keh slam kuri shae. EC para Maharashtra deh taka husa laka parties keh party symbols nadi nah, BJP keh support kura factions akn keh party symbols di shae.
