WASHINGTON: Journalist Jamal Khashoggi ke mora Saudi team laga members khan pora United States te training korise, Washington Post pora khobor korise.
Saudi regime laga ekjun critic, Khashoggi ke Istanbul laga Saudi consulate te October 2 te Riyadh pora botha 15 agents pora moraise. Tai laga laash toh etiy bi powa nai.
Etu mora ke maana korikena, Saudi Arabia pora koise ki etu operation toh tai khan laga kabu bahar te thakiya agents khan pora korise koise. Saudi Arabia te pohoila etu saal 11 suspects ke jaach korise.
Hoilebi etu laga besi bhag kotha khan toh najane, tate Saudi Arabia laga besi kara crown prince aro de facto ruler, Mohammed bin Salman laga hisa pora loikena.
CIA logote meeting lowa bicchete US Senate, pora crown prince ke mora laga zimmedari koikena naam dibole ekta resolution ke maanise, etu samoy te President Donald Trump pora etu mamla te nijor laga phabana kotha koribole maana nai.
Washington Post columnist David Ignatius laga hisab te, ekjun Saudi kono pora consulate te Turkish intelligence pora bug lagaikena record koriya kotha khan ke bhal pora burhise pora koise ki etu record te Khashoggi ke kidnap koribole felsa lowa jaanise aro tai ke Saudi Arabia te thurikena sawal koribole wapas anibole koise.
Etu record te koise ki Khashoggi ke ekta injection marise, kono te Saudi laga khobor khan pora koise ki etu injection toh ekdam kara behosh howa dawai hobole pare.
Etu record te diktar awas hunise, etu toh journalist ke katibole electric aara hobole pare koise.
Ignatius laga hisab te, kono pora besi American aro Saudi khobor manu khan logote kotha korise pora koise ki Saudi Rapid Intervention Group laga konoba members khan pora United States te training loise.
Tai pora koise ki konoba aalag US-Saudi security exchange programs bi suspend kori dise.
Add Comment