August 25, 2026, 5:47 PM: District Youth Officer (DYO), Dimapur, K. Manikanta, para Pranab College laga Principal – Dr. Santosh Kumar aru National Service Scheme (NSS) Programme Officer khan, collection khan para participate kuri kena, ekta press conference loishey, tyaari kuria toh finalize kuriboley karney, itu nationwide (Khelo India Samvad – Khel Ki Baat PM Ke Saath” nimitey, August 27th, 2026 tey, Pranab College, Dimapur tey loboley asey.
Itu briefing laga homoi tey kotha kuri kena, DYO, K. Manikanta para state kurishey ki, itu initaitve toh hoiley ekta opportunity provide kuriboley asey, grassroot sports facility khan observe kuriboley karney aru area khan identify kuriboley, kuntu tey improvement khan lagi asey.
Itu Khelo India Samvad toh hoiley aru bhi dangor objective logotey organize kuri asey, sports promote kuriboley laga karney, youth khan bhitor tey aru India laga target phaney, 36 Olympic medal khan secure kuriboley, 2036 Olympics tey.
Dimapur tey, Pranab College, Regional Institute of Management College aru Technical College toh hoiley select kurishey, itu initiative tey participate kuriboley karney.
