Dimapur, October 24: Darlins Club pora theme “Teamwork makes the dream work” te organize kuriya 17th Khonoma Open Volleyball Tournament aro 5th Penalty
Shoot Out toh Thursday 24 Kezieke ground, Khonoma te suru hoise. Etu suru howa laga function te special guest Theja Meru, Advisor, TaFMA, Government of Nagaland dhakise.
Meru pora participants khan phal pora sportsmanship dhakibole koise aro tai khan laga team karne tai khan logot dhakiya sobse phal pora khilibole koise.
Olap ake te etu programe te Nijasilie Terhüja, president, Darlins Club, pora chairperson kurise aro Mhiesilhukho Yalie, president, Khonoma Youth Organization, pora welcome address dise aro
Rokovitso Savino, games & sports secretary, Darlins Club pora oath taking loise.
Etu teen jdin laga event toh October 26 te khotam hobole ase.
Add Comment