March 14, 2025, 08:49 PM: Khonoma para ekta historic milestone mark kurishey, itu poila-bar Chümerie (Garlic) Festival logotey, 14th March, 2025 tey, kuntu toh hoiley Khonoma Women Union para organize kuria laga asey, aru itu Women Resource Development laga Department para sponsor kuria laga asey, itu MYKI Village Adoption Initiative under tey, co-sponsorship logotey, itu Horticulture aru Agriculture Department khan para. Itu festival para khali agriculture progress ekla celebrate kuria nahoi, itu maiki khan laga vital role bhi celebrate kuria laga asey, rural development tey lead kuriboley.
Rural Development nimitey Minister – Metsübo Jamir para itu event tey special guest hisap thaki kena grace kurishey aru itu festival toh ekta proud laga homoi asey koishey, Nagaland nimitey. Zhothisa Dawhuo, Commissioner & Secretary of Women Resource Development para emphasize kurishey ki, itu festival toh hoiley itu One Village, One Product program laga success ke mark kurey, Khonoma toh garlic cultivation opor tey focus kuri kena – ekta step economic growth aru self reliance phaney. Tai para 30 maiki farmer khan ke commend kurishey kun khan toh hoiley guti laga poisa paishey tai khan laga garlic farm khan expand kuriboley, tai khan laga critical role acknowledge kuri kena, agriculture aru community building tey. “Itu Khonoma laga farmer khan laga dedication, itu bosti council laga support aru itu community laga enthusiasm toh hoiley unity aru progress kaga spirit reflect kurey. Moi confident asey ki, Khonoma toh hoiley juldi hey ekta model hoboley asey agriculture excellence laga,” tai para state kurishey.
Horticulture laga Director para itu Khonoma Women Union ke congratulate kurishey, itu festival organize kuria nimitey aru farmer khan ke encourage kuria nimitey, notun area khan tey explore kuriboley karney, growth nimitey – khali agriculture tey hey nahoi, hoilebi tourism promote kuri kena bhi, bosti laga economy majbut kuriboley karney.
Add Comment