New Delhi, 13 March : Fans khan etiya relief lobo pare, karon makers Khosla Ka Ghosla laga sequel Khosla Ka Ghosla 2 laga release date announce kori dise. Film tu etu saal August te release hobo Raksha Bandhan occasion te, film team hisab te.
Original Khosla Ka Ghosla 2006 te release hoise aru direct korise Dibakar Banerjee. Film tu light-hearted story aru strong performances karone ekta cult favourite hoi jai. Story te property scams aru family conflicts kiman issues simple aru funny dhang te dikhai dise. Film te Anupam Kher, Vinay Pathak, Boman Irani, Ranvir Shorey, Parvin Dabas aru Tara Sharma important roles te thakise.
January te Anupam Kher share korise ki tai Khosla Ka Ghosla 2 laga ekta schedule wrap up kori dise. Tai pura team ke thanks bhi janaise. Tai Instagram te ekta video post kori film sets laga glimpses dikhai dise, juntu te tai laga famous character “Khosla” hisab te dikhai dise.
Video te tai laga co-stars Ranvir Shorey, Kiran Juneja aru Parvin Dabas bhi thakise — kiman first film te iconic Khosla family portray korise. Tara Sharma bhi sequel cast te join kori dise. Boman Irani bhi tai laga character “Khurana” hisab te film te ghuri ahibo.
Khosla Ka Ghosla 2 direct kori ase Prashant Bhagia. Film tu produce kori ase Bhushan Kumar, Krishan Kumar, Savita Raj Hiremath aru Raj Hiremath.
Add Comment